«Зялёны шчыт»: Столінскі РАНС папярэджвае аб пажарнай небяспецы!

 З пачатку года на тэрыторыі нашага раёна адбылося ўжо 81 узгаранне ў прыродных экасістэмах. Каб стабілізаваць абстаноўку, з 8 па 12 верасня ў раёне праходзіць спецыяльнае прафілактычнае мерапрыемства «Зялёны шчыт». Мэта акцыі - прадухіліць пажары, нагадаць аб правілах бяспекі і павысіць культуру беражлівых адносін да прыроды. У рамках мерапрыемства супрацоўнікі МНС сумесна з зацікаўленымі службамі: правядуць сустрэчы ў працоўных калектывах; арганізуюць рэйды па населеных пунктах; нагадаюць аб адказнасці за выпальванне сухой расліннасці і травы. Столінскі РАНС заклікае: • Строга выконвайце правілы пажарнай бяспекі пры навядзенні парадку на ўчастках! • Будзьце вельмі асцярожныя пры выкарыстанні мангалаў, грыляў і барбекю! • Памятайце: выпальванне сухой травы забаронена законам! У выпадку пажару неадкладна тэлефануйце па нумарах "101" ці "112"! Беражыце прыроду - яна мае патрэбу ў нашым клопаце!