Увазе аўтамабільных перавозчыкаў пасажыраў аўтамабілямі-таксі, вадзіцеляў аўтамабіляў-таксі, уладальнікаў электронных інфармацыйных сістэм!

  З 1 красавіка 2026 г. уступілі ў сілу Правілы аўтамабільных перавозак пасажыраў, зацверджаных пастановай Савета Міністраў Рэспублікі Беларусь ад 31.03.2026 № 147, у адпаведнасці з пунктам 170 якіх пасажыр аўтамабіля-таксі мае права адмовіцца ад аплаты паездкі ў выпадках: нявыдачы плацежнага дакумента, сфарміраванага на апараце, сумешчаным з таксометрам, за выключэннем выпадкаў выканання аўтамабільнай перавозкі пасажыраў аўтамабілямі-таксі, замоўленай і аплачванай пры дапамозе электроннай інфармацыйнай сістэмы толькі з выкарыстаннем рэквізітаў банкаўскіх плацежных картак; адсутнасці ў аўтамабілі-таксі праграмнай касы для таксі або касавага падсумоўваючага апарата, сумешчанага з таксометрам, за выключэннем аўтамабіля-таксі, які выконвае аўтамабільную перавозку пасажыраў, заказ і аплата якой ажыццяўляюцца толькі пры дапамозе электроннай інфармацыйнай сістэмы з выкарыстаннем рэквізітаў банкаўскіх плацежных картак. Улічваючы выкладзенае, пасажыр мае права не аплачваць паездку ў выпадку нявыдачы яму плацежнага дакумента. Каб пазбегнуць магчымых канфліктных сітуацый паміж пасажырамі і вадзіцелямі ў аўтамабілях-таксі неабходна: вадзіцелям аўтамабіляў-таксі: не ўдзельнічаць у аўтамабільных перавозках пасажыраў на аўтамабілі-таксі без устаноўленага касавага абсталявання; пры аплаце за паездку наяўнымі грашовымі сродкамі або безнаяўным спосабам з выкарыстаннем банкаўскай плацежнай карткі, фарміраваць на касавым абсталяванні, устаноўленым у аўтамабілі-таксі, плацежны дакумент і забяспечваць яго выдачу пасажыру; звяртаць увагу пасажыра на магчымасць выдачы плацежнага дакумента ў электронным выглядзе пры яго згодзе і апавяшчаць пасажыра аб магчымых спосабах згоды на выдачу плацежнага дакумента ў электронным выглядзе; аўтамабільным перавозчыкам пасажыраў аўтамабілямі-таксі: забяспечыць устаноўку ў аўтамабілях-таксі касавага абсталявання; 2 правесці тлумачальную работу з вадзіцелямі ў мэтах забеспячэння імі патрабаванняў заканадаўства, якое рэгулюе пытанні прыёму сродкаў плацяжу і выкарыстання касавага абсталявання, пры выкананні аўтамабільных перавозак аўтамабілямі-таксі, а таксама наступствах, якія могуць узнікнуць пры невыкананні такіх патрабаванняў; уладальнікам электронных інфармацыйных сістэм: у інтэрфейсах мабільных дадаткаў для пасажыраў прадугледзець ўсплывальнае інфармацыйнае акно, якое нагадвае аб праве пасажыра адмовіцца ад аплаты паездкі ў выпадку нявыдачы плацежнага дакумента, сфарміраванага на касавым абсталяванні. ІМПЗ па Столінскім раёне