Лес! Дабро! Парадак!'. Мінлясгас запрашае беларусаў правесці вясну з карысцю для лесу Ужо з 16 сакавіка і да 18 красавіка ўключна кожны неабыякавы да прыроды краіны беларус можа дапамагчы лясгасам у навядзенні парадку і добраўпарадкаванні знакавых аб'ектаў у лясным фондзе. Арганізацыі галіны са свайго боку забяспечаць валанцёраў неабходным пасадачным матэрыялам. - Цяперашняй вясной мы робім акцэнт менавіта на навядзенні парадку і добраўпарадкаванні. Сімвалічна, што сама акцыя будзе прысвечана пяцігодцы якасці, аб'яўленай па ініцыятыве Кіраўніка дзяржавы. Кожны беларус зможа дапамагчы лясгасам у навядзенні парадку ў лясных масівах уздоўж аўтамабільных дарог, добраўпарадкаванні месцаў масавага адпачынку да летняга перыяду і ўладкаванні памятных знакаў, - пракаментавала загадчык сектара ідэалагічнай працы - прэс-сакратар Мінлясгаса Анастасія Мацкевіч. Жадаючым пасадзіць сваё дрэва лясгасы таксама пастараюцца не адмовіць. Але ў гэтым сезоне аб'ёмы лесапасадак у параўнанні з мінулымі гадамі будуць нязначнымі: пашкоджаныя ўраганамі лесы ўжо адноўлены. Таму акцэнт будзе зроблены менавіта на навядзенні парадку пасля зімы. Каб прыняць удзел у акцыі 'Лес! Дабро! Парадак!' трэба звярнуцца ў бліжэйшыя лясніцтвы ці лясгас і заявіць аб сваім жаданні.