У Столінскім раёне і па ўсёй Беларусі пройдзе комплекс мерапрыемстваў па выяўленні фактаў незаконнага захоўвання зброі, боепрыпасаў і выбуховых рэчываў, а таксама праверцы зарэгістраваных уладальнікаў. За незаконныя дзеянні ў адносінах да агнястрэльнай зброі і боепрыпасаў (арт. 295 КК РБ) прадугледжана пакаранне аж да 12 гадоў пазбаўлення волі. Важна ведаць: Грамадзяне, якія добраахвотна здалі зброю, боепрыпасы і выбуховыя рэчывы, якія незаконна захоўваліся, цалкам вызваляюцца ад крымінальнай і адміністрацыйнай адказнасці! Паведаміць аб фактах незаконнага захоўвання (у тым ліку ананімна) або даведацца пра парадак добраахвотнай здачы можна па тэлефоне 102.
