Беларуская асацыяцыя развіцця электратранспарту (БЭТА) запусціла спецыяльны партал, праз які можна паведаміць аб праблемах з зараднымі станцыямі, работай электрамабіля, а таксама пакінуць прапановы, заўвагі або задаць пытанне экспертам. Звароты будуць разглядацца сумесна з прадстаўнікамі галіны, аператарамі зараднай інфраструктуры, аўтадылерамі і профільнымі дзяржорганамі. Карыстальнікі змогуць прымацоўваць фота і відэа, а адказы на самыя актуальныя пытанні будуць друкавацца ў сацыяльных сетках асацыяцыі. Сёння ў Беларусі працуе 2688 грамадскіх зарадных станцый, каля 70% з якіх - хуткія. На дарогах краіны налічваецца каля 60 тысяч «зялёных» аўтамабіляў, у тым ліку больш за 41 тысячу электракараў і звыш 19 тысяч гібрыдаў.
